പാലിയേറ്റിവ് ദിനാചരണവുമായി ബന്ധപ്പെട്ട് കൊളക്കാട് സാന്തോം ഹയർ സെക്കണ്ടറി സ്കൂളിലെ എൻ എസ് എസ് ന്റെ നേതൃത്വത്തിൽ വിഭവസമാഹരണം നടത്തി.

കൊളക്കാട് :പാലിയേറ്റിവ് ദിനാചരണവുമായി ബന്ധപ്പെട്ട് കൊളക്കാട് സാന്തോം ഹയർ സെക്കണ്ടറി സ്കൂളിലെ നാഷണൽ സർവീസ് സ്കീമിന്റെ നേതൃത്വത്തിൽ വിഭവസമാഹരണം നടത്തി.ഏകദേശം മുപ്പത്തിനായിരം രൂപയുടെ സാധനങ്ങൾ ആണ് ശേഖരിച്ചത്.

കണിച്ചാർ പഞ്ചായത്തിലെ കിടപ്പുരോഗികളും അവശരും വൃദ്ധരുമായ 146ആളുകൾക്കാണ് വിവിധ സാധന സാമഗ്രികൾ അടങ്ങിയ കിറ്റുകൾ കൈമാറുന്നത്.സ്കൂളിൽ വെച്ച് നടന്ന ചടങ്ങിൽ പ്രിൻസിപ്പാൾ ശ്രീ ജോണി തോമസിൽ നിന്നും കൊളക്കാട് പ്രാഥമിക ആരോഗ്യ കേന്ദ്രത്തിലെ ഹെൽത്ത്‌ ഇൻസ്‌പെക്ടർ ശ്രീ അഗസ്റ്റിൻ ഇ ജെ കിറ്റുകൾ ഏറ്റുവാങ്ങി.

ചടങ്ങിൽ സ്കൂൾ പ്രിൻസിപ്പാൾ ശ്രീ ജോണി തോമസ്, എൻ എസ് എസ് പ്രോഗ്രാം ഓഫീസർ ശ്രീ സെബി എം സെബാസ്റ്റ്യൻ, ഹെൽത്ത്‌ ഇൻസ്‌പെക്ടർ ശ്രീ അഗസ്റ്റിൻ ഇ ജെ, സ്റ്റാഫ് സെക്രട്ടറി ശ്രീ സാജൻ വട്ടമറ്റത്തിൽ, വോളണ്ടിയർ ലീഡർ കുമാരി നോറ ഉണ്ണി എന്നിവർ പ്രസംഗിച്ചു.