വര്ക്കല : രണ്ടരവയസ്സുള്ള മകള്ക്കൊപ്പം യുവതിയെ ഭര്തൃഗൃഹത്തില് തൂങ്ങിമരിച്ചനിലയില് കണ്ടെത്തി. ചെറുന്നിയൂര് കല്ലുമലക്കുന്ന് എസ്.എസ്. നിവാസില് സുജിത്തിന്റെ ഭാര്യ ശരണ്യ(22), മകള് നക്ഷത്ര (ലച്ചു) എന്നിവരാണ് മരിച്ചത്.
സംഭവവുമായി ബന്ധപ്പെട്ട് സുജിത്തിനെ പോലീസ് കസ്റ്റഡിയിലെടുത്തു. വീട്ടിലെ കിടപ്പുമുറിയില് ഒരു മുണ്ടിന്റെ ഇരുതലപ്പിലുമായി ഇരുവരും തൂങ്ങിനില്ക്കുന്നതായാണ് കണ്ടത്. കുഞ്ഞിന്റെ കഴുത്തില് കുരുക്കിട്ടശേഷം ശരണ്യ ആത്മഹത്യ ചെയ്തതെന്നാണ് പോലീസിന്റെ പ്രാഥമിക നിഗമനം.
ആത്മഹത്യാകുറിപ്പും കണ്ടെടുത്തിട്ടുണ്ട്. ഭര്ത്താവിന്റെ മദ്യപാനവും തുടര്ന്നുള്ള മര്ദനവും കാരണം ആത്മഹത്യ ചെയ്തതാണെന്നാണ് പോലീസ് സംശയിക്കുന്നത്.
