മണിക്കൂറൂകളോളം മൊബൈലില് ഫയര് ഗെയിം കളിച്ചുകൊണ്ടിരുന്ന വിദ്യാര്ത്ഥിക്ക് മാനസിക അസ്വാസ്ഥ്യമുണ്ടായതിനെ തുടര്ന്ന് ആശുപത്രിയിലെത്തിച്ചതിന്റെ വിഡിയോ സമൂഹ മാധ്യമങ്ങളിൽ പ്രചരിക്കുകയാണ്. തിങ്കളാഴ്ച രാത്രി നടന്ന സംഭവത്തിന്റെ വിഡിയോയാണ് ഫേസ്ബുക്കിൽ വൈറലാവുന്നത്.
തമിഴ്നാട്ടിലെ തിരുനെല്വേലിയിലാണ് സംഭവം നടന്നത്. ഫോണില് ഗെയിം കളിക്കുകയായിരുന്ന കുട്ടി പെട്ടെന്ന് ബോധരഹിതന് ആവുകയായിരുന്നു. വിദ്യാര്ത്ഥിയെ ഉടന് ആശുപത്രിയില് എത്തിച്ചെങ്കിലും കുട്ടി അബോധാവസ്ഥയിലും ഗെയിം കളിക്കുന്ന രീതിയില് കൈകള് ചലിപ്പിച്ചുകൊണ്ടിരിക്കുകയായിരുന്നു. കുട്ടികള് ഇത്തരം ഗെയിമുകള്ക്ക് അടിമപ്പെടുന്നത് തടയാന് സര്ക്കാര് നടപടി സ്വീകരിക്കണമെന്ന ആവശ്യം ശക്തമാണ്.
