തിരുവനന്തപുരം : കോവിഡ് നിയന്ത്രണങ്ങളില് കൂടുതല് ഇളവുകളുണ്ടോയെന്ന് ഇന്നറിയാം. മുഖ്യമന്ത്രിയുടെ അധ്യക്ഷതയില് കോവിഡ് അവലോകന യോഗം ചേര്ന്ന് സംസ്ഥാനത്തെ സാഹചര്യം വിലയിരുത്തും.
വൈകിട്ട് 3 മണിക്കാണ് യോഗം.ഹോട്ടലുകളില് ഇരുന്ന് ഭക്ഷണം കഴിക്കാന് അനുവദിക്കണമെന്ന ആവശ്യം സര്ക്കാരിന് മുന്നിലുണ്ടെങ്കിലും പ്രതിദിന രോഗികളുടെ എണ്ണം കാര്യമായി കുറയാത്തത് ആശങ്കയുണ്ടാക്കുന്നുണ്ട്. ബാറുകളില് ഇരുന്ന് മദ്യപിക്കാന് അനുവദിക്കണമെന്ന ബാറുടമകളുടെ ആവശ്യവും സര്ക്കാരിന് മുന്നിലുണ്ട്. തീയേറ്ററുകള് ഉടന് തുറക്കാന് സാധ്യതയില്ല. ടെസ്റ്റ് പോസിറ്റിവിറ്റി നിരക്ക് 18 ശതമാനത്തിന് മുകളില് തുടരുകയും ചെയ്യുന്നു. രോഗവ്യാപനം പ്രതീക്ഷിച്ച രീതിയില് കുറയുന്നില്ലെന്നാണ് ആരോഗ്യ വിദഗ്ധരുടെ വിലയിരുത്തല്. ഇക്കാര്യങ്ങള് കൂടി പരിഗണിച്ച ശേഷം ഇളവുകളുടെ കാര്യത്തില് സര്ക്കാര് തീരുമാനമെടുക്കുമെന്നാണ് സൂചന.
സംസ്ഥാനത്ത് പ്രതിദിന കോവിഡ് രോഗികളുടെ എണ്ണം ഉയര്ന്നു തന്നെ നില്ക്കുകയാണ്.
ഇന്നലെ 23,260 പേര്ക്കാണ് രോഗം സ്ഥിരീകരിച്ചത്. 131 പേര് കോവിഡ് മൂലം മരിക്കുകയും ചെയ്തിരുന്നു.
